पोस्टराज चापागाईं को एक गजल

१४९औं नयाँ छन्द....! छन्द - मिथिला (विदेह देशको राजधानी, जनकपुर )....!!

तँ मलाई एक शब्द दे म तँलाई कविता दिन्छु...
जसरी दे एक बूँद दे ! म तँलाई सरिता दिन्छु...

म जमेको पोखरी भएँ कण उड्ला जब हावामा
हिमगिरी पुग्न मात्र दे झरनाको रमिता दिन्छु...

म बाँझो हूँ एक नम्बरी अब जोती मल राख्छु मै
गुणकारी बीज मात्र दे ! म तँलाई पपिता दिन्छु...

तलासी हो राष्ट्रभक्तको जसमा होस् खुन नेपाली
तँ मलाई भ्रूण मात्र दे ! म तँलाई वनिता दिन्छु...

कति बुद्धू छस् तँ हे खुदा ! र त मेरो दिल बुझ्दैनस्...
बरु आफ्नै ‘राज’ बाल्छु मै तँ धुनी दे म चिता दिन्छु...

छन्द – मिथिला (जनकपुर)
llS SSl SlS llS Sll SSS
स त र स भ म
(४, ९ र १३ अक्षरमा विश्राम)

लक्षण –
‘सतरासाभाम’ चार नौ अनि तेरौं अक्षरमा रोक्ने
‘मिथिला’ यो छन्दमा गुदी छ रसीलो हजुरले बोक्ने