भिम रसाईली को नयाँ बर्ष बिसेष एक गजल

"बेहोशी" भिम रसाईली
>>> नवबर्ष बिशेष गजल <<<

भत्केको घर टाल्नु, पर्छ नवबर्ष सँगै।
शान्तीको दिप बाल्नु, पर्छ नवबर्ष सँगै।।

बिगतमा दु:ख सुख, जे जस्तो भए पनि।
नयाँ पाईला चाल्नु, पर्छ नवबर्ष सँगै।।

आपसका मनमुटाव, र दुस्मनी बिर्सेर।
मनका कुबिचार फाल्नु, पर्छ नवबर्ष सँगै

हत्या हिंसा आतंक, फैलाउने हरु लाई।
कठघरामा हाल्नु, पर्छ नवबर्ष सँगै।।

सभ्य र सुन्दर समाज, निर्माण गर्नलाई।
हामी युवाले नै थाल्नु, पर्छ नवबर्ष सँगै।।

केराबारी-मोरङ
हाल- बहराईन